Takleef E Hijar De Gayi Rahat Kabhi Kabhi
Badla Hai Yoon Bhi Rang E Muhabbat Kabhi Kabhi
Dil Ne Teri Jafaa Ko Sahara Samajh Liya
Guzri Hai Yoon Bhi Hum Pe Musibat Kabhi Kabhi
Dunya Samajh Na Le Tere Gham Ki Nazaqatein
Karta Hoon Zer E Lab Jo Shikayat Kabhi Kabhi
Hai Jis Taraf Nigaah Tawajju Udhar Nahi
Hoti Hai Berukhi Bhi Inayat Kabhi Kabhi
Aayi Shab E Firaaq To Ghabra Gaye Shaqi
Aati Hai Zindagi Mein Qayamat Kabhi Kabhi
